و أعترفت لي ..أنها تجد الرجال كالدمى !!

جلست معها و تحدثنا ..فهى لولا أنها أنثى لأعتقدت أنها دونجوان !
بالفعل قالت لي فى حديث سرى : بحس ان الولاد دول زى اللعب ..بحب العب بيهم اوى "
لقد أحتقرتها فى ذلك الوقت
بالفعل أحتقرتها ..رغم أنها تعني لي الكثير
لكن بعد فترة طويلة
جلست معي ..كانت منزعجة
تحدثت عن والدها الذى توفى منذ ولادتها .. سألتها عن عدد الرجال الذين صاحبتهم فقالت لي : حاولت اكتبهم ف ورقه بس كل شويه كنت بحط سهم بين اتنين و اكتب واحد لحد ما زهقت و بطلت اكتبهم"
سألتها : انتى بتنفصلي كتير ليه انتى جذابه جدا للولاد؟ ..انتى بتخافى يسبوكى او بتخافى لما تلاقى نفسك هتتعلقى بحد بتبعدى علشان خايفه حد يتحكم فيكي ؟"
ابتسمت و قالت : لحد دلوقتى مفهمتيش !.. بصى انا اه ممكن اكون ف نظر الناس واطيه و قليله الادب و صايعه و محدش عارف يلمنى بس كل اللي اقدر اقوله انى مبكنش مرتاحه ف العلاقه انا بحاول فيها و مش بوعد حد بحاجه او بقول كلام و خلاص بقول كل اللى بحس بيه ماليش دعوة لو حد وهم نفسه بحاجه او حس انى بدية اهتمام كبير انا بعامل كل الناس عادى ..بدى لنفسى فرص هما بيقتلوها طيب اعمل ايه ؟! بفضل الانفصال طيب ليه اخدع حد و لحد امتى ..شهر اتنين و انا مش حاسه بحاجه ؟! انا مش لعابيه و لما قلتلك انهم زى اللعب دة مكنش حقيقى انا مبرتاحش فبفضل انى ابعد علشان كل واحد ممكن يلاقى فرصه احسن مع حد احسن يحبه بجد"
عندما قالت هذا ..ربما وبخت نفسي ..كنت معها و لم أفهمها مطلقا
قالت كلام أحمق مرة حسبته ضدها ..بكل بساطة !..لم أحاول فهم ما وراء الكلام و منذ هذا اللحظة ..بدأت في البحث في ما وراء الكلمات و أضع ألف أحتمال حتى أجد الحقيقة
..
بقلم
hikaby